Kitaphana
Mekdep kitaphanasy barada gysgaça maglumat
Mekdep kitaphanasy lukmançylyk mekdebiniň aýrylmaz bölegi bolup durýar.Onuň alyp barýan işleri, wezipeleri şu mekdebiň ýaşlara döwrebap bilim we terbiýe bermek baradaky wezipeleri bilen berk baglanyşyklydyr. Bu wezipeler watansöýüji, watana we Hormatly Prezidentimize wepaly, ylymly-bilimli hemmetaraplaýyn ösen, işbaşarjaň şahsyýeti, ökde saglygy goraýyş hünärmenlerini terbiýeläp ýetişdirmekden ybaratdyr.
Kitaphana biri-biri bilen aýrylmaz baglanyşykly bolan birnäçe işleri ýerine ýetirýär: talyplar bilen bilim we terbiýe berijilik , mugallymlar bilen habar beriş we usuly häsiýetli işleri alyp barýar.
Türkmenistanyň Bilim,Türkmenistanyň Saglygy goraýyş we derman senagaty ministrlikleri tarapyndan kitaphanamyzyň kitap toplumynyň (fondunyň) üsti yzygiderli ýetirilip durulýar.
Kitaphananyň esasy bölegini saglygy goraýyşa degişli eserler we okuw kitaplary tutýar.
Bu ugurdaky eserleriň 20 (ýigrimi) müňe golaýy, çeper eserleriň 10 müňe golaýy (9756), elektron kitaplaryň 5477-si häzirki döwürde talyplara we mugallymlara hyzmat edýär.
Kitaphanamyzda Hormatly Arkadagymyz Gurbanguly Berdimuhamedowyň pähim – paýhasyndan dörän dürli ugurlara degişli kitaplary, çeper eserleri hem-de “Türkmenistanyň dermanlyk ösümlikleri” atly 15 tomluk (15 tomluk, köp tomluk) ensiklopedik eseri esasy orunda durýar, olar talyplara we mugallymlara okuwda we işde uly gollanma bolup hyzmat edýär.