Täzelikler - Mary lukmançylyk orta hünär okuw mekdebi

06.08.2024

188

Türkmenistan we Filippinler Respublikasy söwda-ykdysady hyzmatdaşlygynyň geljegini ara alyp maslahatlaşdylar

2024-nji ýylyň 3-nji awgustynda Filippinler Respublikasyna amala aşyrýan saparynyň ikinji gününde Türkmenistanyň wekiliýeti «Clark Freeport» erkin ykdysady zolagyna baryp gördi. Bu sapar iki ýurduň arasyndaky hyzmatdaşlygy çuňlaşdyrmak, tejribe alyşmak we bilelikdäki taslamalaryň geljegini ara alyp maslahatlaşmak üçin möhüm ädim boldy. Bu barada ýurdumyzyň daşary syýasat edarasy habar berýär.Saparyň çäklerinde özara bähbitli hyzmatdaşlygyň mümkinçiliklerini öwrenmek maksady bilen, Bazalary özgertmek we ösdürmek boýunça müdirlik (BCDA) bilen duşuşyk geçirildi. Filippin tarapy «Clark Freeport» erkin ykdysady zolagy we täze, ekologiýa taýdan arassa şäheri döretmek baradaky ägirt uly taslama bilen jikme-jik tanyşdyrdy. Şeýle hem zolagyň çägine gezelenç guraldy, munuň özi türkmen wekiliýetine filippin tarapynyň gazananlary we başlangyçlary bilen gözli şaýat bolmaga mümkinçilik berdi.Türkmen wekiliýeti amala aşyrylýan taslama ýokary baha berdi we erkin ykdysady zolaklary döretmek we dolandyrmak babatynda tejribe alyşmaga gyzyklanma bildirdi.Mundan başga-da, duşuşygyň barşynda türkmen tarapy filippin kärdeşlerini bir ýyldan gowrak wagt mundan ozal açylan täze akylly şäher Arkadag bilen tanyşdyrdy. Tanyşdyrylyşyň dowamynda şäheriň esasy aýratynlyklary we üstünlikleri görkezildi, şeýle hem Arkadag şäheriniň ikinji tapgyrynyň gurluşygynyň meýilnamalary dogrusynda aýdyldy. Türkmen wekiliýeti filippin kärdeşlerini häzirki zaman Arkadag şäheri bilen giňişleýin tanyşmak we has çuňňur aragatnaşyklary ýola goýmak üçin Türkmenistana gelip görmäge çagyrdy.Şeýle görnüşli tejribe alyşmak we bilelikdäki başlangyçlar taraplaryň ikitaraplaýyn gatnaşyklary pugtalandyrmaga we ykdysady ösüş we infrastruktura pudagynda bilelikdäki taslamalary durmuşa geçirmäge bolan islegine şaýatlyk edýär.

Doly oka

188

02.08.2024

197

BILDIRIŞ!

BILDIRIŞ!I.Gandi adyndaky Aşgabat lukmançylyk orta okuw mekdebi 2024-2025-nji okuw ýyly üçin başlangyç hünär biliminiň aşakdaky hünäri boýunça talyplyga kabul edýändigini habar berýär:“Umumy ideg işi boýunça kiçi saglygy goraýyş işgäri” (kiçi saglygy goraýyş işgäri)I.Gandi adyndaky Aşgabat lukmançylyk orta okuw mekdebine Türkmenistanyň umumy orta bilimli, ýaşy 35- den geçmedik, Aşgabat şäherinde ýaşaýan raýatlary giriş synaglarynyň netijeleri boýunça kabul edilýär. Okuwlar tölegli bolup, bularyň möhleti 1 ýyl. Resmi iş kagyzlary I.Gandi adyndaky Aşgabat lukmançylyk orta okuw mekdebinde 2024-nji ýylyň 19–njy awgustyna çenli kabul edilýär.Giriş synaglary: 2024–nji ýylyň 22-26-njy awgusty aralygynda, I.Gandi adyndaky Aşgabat lukmançylyk orta okuw mekdebinde ( Aşgabat şäherinde), Himiýa, Biologiýa, Türkmenistanyň taryhy derslerinden geçiriler.Okuwy doly tamamlan uçurymlara döwlet nusgasyndaky, başlangyç hünär bilimi hakynda, diplomyň asyl nusgasy berler.Biziň salgymyz: Aşgabat şäheri, 2023-nji (M.Kösäýew) köçe, 90; tel.: 36-96-73, 36-93-82.Orta hünär okuw mekdebimize, Hoş geldiňiz!

Doly oka

197

01.08.2024

219

Türkmenistana syýahatçylyk bukjalarynyň sany takmynan 50% artdy

Soňky döwürde Türkmenistanda operatorlar tarapyndan berilen daşary ýurtlular üçin syýahatçylyk bukjalarynyň sany, takmynan, 50% ýokarlandy. Bu barada «Голос СНГ» neşiri habar berdi.Degişli ösüş 2018 — 2020-nji ýyllara görä hasaba alyndy. Esasan hem taryhy ýerele toparlaýyn syýahatlara isleg bildirilýär.Umuman aýdanyňda, Bütindünýä Syýahatçylyk Guramasynyň hünärmenleriniň netijesine görä, syýahatçylyk boýunça Türkmenistan uly mümkinçilige eýe sebit hökmünde häsiýetlendirilýär. ÝUNESKO-nyň Bütindünýä mirasynyň sanawyna girizilen Gadymy Merw, Nusaý we Köneürgenç ýaly ýerlere syýahatçylaryň uly gyzyklanmasy hem muny subut edýär.Merkezi Aziýa ýurtlaryny birleşdirýän syýahatçylyk bukjalary häzirki wagtda Hytaýdan, ABŞ-dan, Günorta Amerikadan, Awstraliýadan, Ýewropa ýurtlaryndan we Russiýa Federasiýasyndan gelen syýahatçylaryň arasynda meşhurdyr. Şeýle gezelençlerde Türkmenistanyň, Gazagystanyň, Özbegistanyň, Täjigistanyň we Gyrgyzystanyň dürli ýerlerine syýahat guralýar. Şu ugurlar boýunça jahankeşdeler Ýüpek ýolunyň ähli gözel ýerlerini görmäge mümkinçilik alýarlar.Häzirki wagtda Türkmenistanda 130-a çenli syýahatçylyk kärhanalary hereket edýär. Çeşme Türkmenistanda syýahatçylygyň ösmeginiň Türkmenistanyň Prezidenti tarapyndan tassyklanan «Syýahatçylyk pudagynda Türkmenistanyň halkara hyzmatdaşlygyny ösdürmegiň 2024-2025-nji ýyllar üçin Maksatnamasy» arkaly üpjün edilýändigini belleýär.

Doly oka

219

30.07.2024

95

Heýkeltaraş Orazmyrat Gurbanow we onuň ylham çeşmesi

Türkmenistanyň Medeniýet ministrliginiň Şekillendiriş sungatynyň sergi merkezinde Türkmenistanyň sungatda at gazanan işgäri, Türkmenistanyň Suratkeşler birleşiginiň agzasy, şu ýyl 70 ýaşy dolan heýkeltaraş Orazmyrat Gurbanowyň işleriniň şahsy sergisi guraldy.Sergä gelenleriň nazary, ilki bilen, Orazmyrat we Jumagül Gurbanowlaryň portretinde eglenýär, ony olaryň gyzy Laçyn Rejepgulyýewa çekipdir. Görnükli medeniýet we sungat işgärleriniň döşheýkelleriniň arasynda Orazmyrat bilen Jumagülüň hem iki döşheýkeli bar. Myhmanlar Orazmyrat bilen Jumagüli ýubileýi bilen gutlaýardylar. Çäre köpçülikleýin sergä meňzeýärdi. Jumagül Gurbanowa Orazmyrat Gurbanowanyň aýaly, şeýle hem onuň mähriban ylham çeşmesi we talapkär maslahatçysy. Söwer Jumagüli bolmadyk bolsa Orazmyrat Gurbanow, belki, beýle köp ajaýyp eser döredip bilmezdi.Orazmyrat Gurbanow hemişe gözleýän heýkeltaraş. Ol esasan realistik žanrda işleýär, ýöne kämahal döredijilik ugruny üýtgedýär-de, abstraksiýa geçýär we zenan şekilidigi çala bildirýän heýkeller döredýär. Iki taraply heýkeller hem onuň döredijiliginiň bir ugrydyr. Sergide bir tarapy zenan, beýlekisi erkek şekilli heýkeli bar. Mundan başga-da, Orazmyrat Gurbanow üç taraplaýyn heýkelleri döretmäge başlady. Olaryň biri «Halypalarym» atly işi sergide görkezilýär. Bir heýkelde Türkmenistanyň halk suratkeşleri Babasary Annamyradow, Saragt Babaýew we Ýedi Medetow tomaşaçylara üç tarapdan seredýärler.Dogduk Diýarynyň haýwanat dünýäsiniň wekilleriniň köpüsiniň heýkelleri Orazmyrat Gurbanowyň çagalyk ýyllaryny oba ýerinde, Mary welaýatynyň Türkmengala etrabynyň Zähmet obasynda geçendigini görkezýär, heýkeltaraş olaryň owadanlygynyň we nepisliginiň haýrany bolup, toýundan haýwanlaryň mylaýym şekillerini ýasady. Orazmyrat Gurbanowyň heýkelini ýasamadyk haýwany ýok bolsa gerek. Sergide görkezilýän haýwanat dünýäsiniň ekspozisiýasy, jerenleriň, sugunlaryň, atlaryň, düýeleriň we möjekleriň ençeme heýkelinden ýaňa doňup galan haýwanat bagyna meňzeýär. «Ýaş çopan» atly heýkeli onuň döredijiliginiň özboluşly nusgasydyr. Bu köp şekilli kompozisiýada Orazmyrat Gurbanow tejribeli çopanlaryň tiz wagtda öri meýdanlarynda öz ornuna geljek oglana kär syrlaryny gürrüň berýän pursadyny şekillendiripdir. Bu kompozisiýada dowar sürüsindäki mallaryň şekiliniň näçedigi hasam gyzyklandyrýar. Dowar şeýle bir köp welin, hatda awtoryň özem hem olaryň sanyny takyk bilmeýär. Mallaryň sanyndan çen tutsaň, belki, Orazmyrat Gurbanowyň heýkeli Ginnesiň rekordlar kitabyna girizilip bilner.Türkmenistanyň halk suratkeşi Gylyçmyrat Ýarmämmedow sergiden galan täsirleri barada gürrüň berip:– Orazmyrat Gurbanowyň işeňňirligine haýran galýaryn. Aýratynam nepis tapbilerligi, tebigy degişme we synçylygy görnüp duran kiçijik eserlerini halaýaryn – diýdi.

Doly oka

95

28.07.2024

113

Magtymguly Pyragynyň eserleri asyrlar içre jahankeşdeleriň dilinde

Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de hormetly Prezidentimiz Arkadagly Gahryman Serdarymyzyň taýsyz tagallalary bilen halkymyzyň milli mirasy, ruhy-medeni gymmatlary hem-de dünýä meşhur edebi ýadygärlikleri ylmy esasda çuňňur öwrenilýär. 2024-nji ýylymyzyň “Pähim-paýhas ummany Magtymguly Pyragy” ýyly diýlip atlandyrylmagy bolsa Gündogaryň beýik akyldary we nusgawy şahyry Magtymguly Pyragynyň şahsyýetine goýulýan beýik sarpadan nyşandyr. Häzirki döwürde giň gerimde alnyp barylýan Magtymgulynyň döwrüni, ömrüni, döredijiligini we filosofiýasyny öwrenmek, çapa we neşire taýýarlamak işleri öz gözbaşyny baryp, XIX asyryň ortalaryndan alyp gaýdýar. Bu uly işiň başyny başlanlar esasan jahankeşde alymlar bolupdyr. Olardan polýak syýahatçysy Aleksandr Hodzko-Boreýkonyň, wenger gündogarşynasy Armeniý Wamberiniň atlaryny hormat bilen ýatlamak bolar. 1804 — 1891-nji ýyllarda ýaşap geçen polýak jahankeşdesi we ýazyjysy Aleksandr Hodzko-Boreýko XIX asyryň 30-njy ýyllarynda Orta Aziýa syýahat edipdir. Ol Magtymguly Pyragynyň, Mämmetweli Keminäniň käbir goşgularyny hem-de «Görogly» şadessanyndan bölekleri il içinden ýygnap, alyp gidipdir. Soňra alym bu eserlerini iňlis diline terjime edipdir. Aleksandr Hodzko bu terjimelerini 1842-nji ýylda Londonda çap edilen “Specimens of popular Persian poetry” (Persiýanyň meşhur poeziýasyndan nusgalar) atly kitabynda ýerleşdiripdir. Kitapda Magtymguly Pyragynyň gysgaça terjimehaly hem-de 3 sany goşgusy iňlis dilinde çap edilipdir. Bu beýik iş akyldar şahyrymyz Magtymguly Pyragyny dünýä ýüzünde tanatmakda durmuşa geçirilen iň ilkinji ädim bolupdyr.Arminiý Wamberi (1832-1913) hem Magtymguly Pyragynyň edebi mirasyny toplamakda, öwrenmekde we okyjylara ýetirmekde uly işler bitirenleriň biridir. Ol XIX asyryň ikinji ýarymynda Orta Aziýa, hususan-da türkmen topragyna başdan-aýaga syýahat edýär. Syýahatçy, alym, gündogarşynas we türkolog Armeniý Wamberi başyndan geçiren ähli wakalaryny, hemme gören-eşidenlerini 1863-nji ýylda neşir edilen “Orta Aziýa syýahat” atly kitabynda jemleýär. Ol öz kitabynda: «Magtymgulynyň şygyrlar ýygyndysy örän gyzykly. Onda bir tarapdan türkmen diliniň arassa nusgasyny görsek, ikinji tarapdan beýleki Gündogar şahyrlarynyň eserlerinde seýrek duş gelýän zatlar barada jikme-jik aýdylýar» diýmek bilen, söz ussadynyň şygyrlaryndaky pikir-ideýalaryň has inçe berilýändigini nygtapdyr.Armeniý Wamberi 1879-njy ýylda Leýpsing şäherinde Nemes Gündogar Jemgyýeti ýygyndysynda «Türkmenleriň dili we Magtymgulynyň diwany» diýen at bilen türkmen diline, edebiýatyna, Magtymguly Pyragynyň ömrüne, döredijiligine we dünýägaraýşyna bagyşlanan makalasyny çap etdirýär. Gündogarşynas alym bu makalasynda Magtymgulynyň ömri we döredijiligi barada maglumat berýär. Alym Magtymgulynyň jemi 40 töweregi şygryny neşir etdirýär. Şahyryň 30 goşgusyny tutuşlygyna, 10 goşgusyny bolsa bölekleýin türkmen hem nemes dillerinde çap edýär. Jahankeşde alymlarynyň bu hyzmatlary Gündogar bilen Günbataryň özara ylmy we medeni gatnaşyklaryny ösdürmekde örän uly ähmiýete eýedir. Magtymguly Pyragynyň ömrüni we döredijiligini giňden wagyz etmek arkaly bu gatnaşyklar has-da ösdürilýär. Bu döwletli işler biz — aragatnaşyk ulgamynyň işgärlerini hem buýsandyrýar. Şonuň üçin “Pähim-paýhas ummany Magtymguly Pyragy” ýyly mynasybetli aragatnaşyk ulgamynda hem birnäçe medeni köpçülikleýin çäreler geçirilýär. Milli medeniýetimiziň, edebi mirasymyzyň goralyp saklanmagy we ösdürilmegi ugrunda yzygiderli alada edýän Gahryman Arkadagymyzyň hem-de Arkadagly Gahryman Serdarymyzyň taýsyz tagallalary bilen akyldarymyz Magtymguly Pyragynyň at-abraýynyň, hormat-sarpasynyň bütin Ýer ýüzünde barha artmagy halkymyzyň milli ruhunyň has-da belende galmagynyň aýdyň kepili bolup durýar. Goý, Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak, tutýan döwletli işleri elmydama rowaçlyklara beslensin!

Doly oka

113

26.07.2024

268

«Merkezi Aziýa + Ýaponiýa» Dialogynyň ýokary wezipeli wekilleriniň mejlisi

2024-nji ýylyň 24-nji iýulynda wideoaragatnaşyk ulgamy arkaly «Merkezi Aziýa + Ýaponiýa» Dialogynyň ýokary wezipeli wekilleriniň mejlisi geçirildi. Mejlise Merkezi Aziýa ýurtlarynyň we Ýaponiýanyň daşary syýasy edaralarynyň ýolbaşçylarynyň orunbasarlary gatnaşdy. Mejlisde Türkmenistana Daşary işler ministriniň orunbasary Ahmet Gurbanow wekilçilik etdi. Bu barada Türkmenistanyň DIM-i habar berýär.Taraplar şu ýylyň 9-10-njy awgusty aralygynda Astana şäherinde geçiriljek «Merkezi Aziýa + Ýaponiýa» Dialogynyň Sammitine taýýarlyk bilen baglanyşykly meseleleri ara alyp maslahatlaşdylar. Duşuşykda Sammitiň we Işewürler forumynyň maksatnamasyna we gün-tertibine seredildi, şeýle hem Sammitiň jemleýji resminamasynyň taslamasy ara alnyp maslahatlaşyldy.Duşuşygyň barşynda taraplar Merkezi Aziýa ýurtlarynyň we Ýaponiýanyň arasyndaky syýasy-diplomatik, söwda-ykdysady we medeni-ynsanperwer ugurlar boýunça hyzmatdaşlygyň derwaýys meseleleri barada pikir alyşdylar. Şunuň bilen baglylykda A.Gurbanow türkmen tarapynyň Dialogyň çäginde hyzmatdaşlygy ösdürmäge gyzyklanma bildirýändigini belledi.

Doly oka

268

24.07.2024

208

Çagalaryň tomusky dynç alyş möwsümi guramaçylykly dowam edýär

Çagalaryň tomusky dynç alyş möwsümini talabalaýyk guramak, welaýatyň çäginde ýerleşýän çagalar sagaldyş we dynç alyş merkezleriniň güýjünden netijeli peýdalanmak boýunça Lebap welaýatynda maksatnamalaýyn işleriň alnyp barylmagy häzirki wagtda gyzgalaňly dowam edýän jogapkärli döwürde özüniň oňyn netijelerini berýär.Welaýat boýunça hereket edýän çagalar sagaldyş we dynç alyş merkezlerine, ýagny, Türkmenabat şäher häkimligine degişli bolan, her tapgyrda 300 çaga niýetlenen «Bagtyýarlyk» çagalar sagaldyş we dynç alyş merkezine möwsümiň dowamynda üç tapgyrda 900, «Awazadaky» 100 çaga niýetlenen «Lebap» çagalar dynç alyş merkezine bäş tapgyrda 500 çaga çekmeklik göz öňünde tutulyp, häzirki wagtda bu ýerlerde ýaş nesiller öz wagtlaryny şadyýan geçirýärler. .Möwsümde Türkmenabat şäheriniň golaýynda, Amyderýanyň kenarynda ýerleşýän «Bagtyýarlyk» çagalar sagaldyş we dynç alyş merkezinde işleriň aýratyn guramaçylykly ýola goýlandygyny bellemek bolar. Bu sapaly mekanda çagalaryň kadaly dynç almaklary, dürli ugurlar boýunça zehinlerini ýüze çykarmaklary, zähmet endiklerini kemala getirmekleri üçin ähli şertler döredilipdir. Merkezde ýaş nesilleri hünärlere ugrukdyrmak we durmuşa taýýarlamak maksady bilen hünär hem-de aýdym-saz gurnaklary döredilipdir. Çagalaryň daşary ýurt dilleri, kompýuter sowatlylygy boýunça bilimlerini artdyrmak, ýazyjy-şahyrlar, ussat medeniýet we sungat işgärleri bilen duşuşyklary, döwrebap kärhanalara, tebigatymyzyň gözel ýerlerine, muzeýlere, taryhy-medeni ýadygärliklere gezelençlerini guramak yzygiderli alnyp barylýar. Merkezde dynç alýan çagalaryň şäheriň eteginde ýerleşýän gadymy «Amul» galasyna, Amyderýanyň üstünden gurlan döwrebap köprülere, welaýat Taryhy we ülkäni öwreniş muzeýine, şäheriň gözel ýerlerine, şol sanda «Bitaraplyk» seýilgähine guraýan gezelençleri olarda ýatdan çykmajak täsirler galdyrýar. Şeýle hem bu ýerde dynç alýan ýaş nesiller Seýitnazar Seýdi adyndaky döwlet sazly drama teatrynda bolup, bu ýerde sahnalaşdyrylan türkmen halk ertekilerine höwes bilen tomaşa edýärler. «Bagtyýarlyk» çagalar sagaldyş dynç alyş merkezinde tomusky dynç alyş möwsümini sapaly geçirýän çagalaryň arasynda sagdyn durmuş ýörelgesini durmuşa geçirmek maksady bilen sportuň dürli görnüşleri, şol sanda milli oýunlar boýunça ýaryşlar, bäsleşikler yzygiderli geçirilýär. Ýaňy-ýakynda Lebap welaýat polisiýa müdirliginiň Ýangyn howpsuzlygy bölüminiň guramagynda «Bagtyýarlyk» çagalar sagaldyş-dynç alyş merkezinde dynç alýan mekdep okuwçylarynyň arasynda döredilen 13-14 ýaşly ýaş ýangyn söndüriji toparlaryň arasynda ýangyn amaly sporty boýunça 5 tapgyrdan ybarat bäsleşik hem aýratyn täsirliligi, çagalaryň ugurtapyjylygy we oňa gatnaşyjylaryň maksadaokgunlylygy bilen tapawutlandy. Ýaşlarda ýangyn howpunyň öňüni almak, jemgyýetçilik we şahsy emläge aýawly garamak, ýangyn söndürmegiň endiklerini ele almak ýaly häsiýetleri terbiýelemek maksady bilen geçirilen bäsleşikde ýeňiji bolan toparlara hem-de bäsleşige gatnaşyjylara jemgyýetçilik guramalary tarapyndan sowgatlar we Hormat hatlary gowşuryldy.Ýaş nesilleriň welaýatda hereket edýän çagalar sagaldyş we dynç alyş merkezlerinde tomusky dynç alyş möwsümini netijeli geçirmekleri olaryň ruhy we fiziki taýdan kämilleşmeklerine, dünýägaraýyşlarynyň, ata Watanymyza bolan söýgüsiniň has-da artmagyna, täze okuw ýylyna ruhubelent gadam basmaklaryna ýardam eder.

Doly oka

208

23.07.2024

261

Türkmenistanyň wekiliýeti ÝUNESKO-nyň Bütindünýä miras komitetiniň 46-njy mejlisine gatnaşýar

ÝUNESKO-nyň işleri barada Türkmenistanyň Milli toparynyň jogapkär sekretary Çynar Rustemowanyň ýolbaşçylygyndaky Türkmenistanyň wekiliýeti Nýu-Deli şäherinde geçirilýän ÝUNESKO-nyň Bütindünýä miras komitetiniň 46-njy mejlisine gatnaşýar. Bu barada Türkmenistanyň DIM-i habar berýär. Nobatdaky mejlisiň işine Bütindünýä miras komitetiniň 21 sany agza ýurtlaryň wekiliýetleri, şeýle-de 1972-nji ýylyň Bütindünýä medeni we tebigy mirasyny goramak baradaky Konwensiýa gatnaşýan döwletlerden synçylar gatnaşýar.Mejlisiň açylyş dabarasyna Hindistanyň Premýer-ministri Narendra Modi we ÝUNESKO-nyň Baş direktory Odri Azule, ÝUNESKO-nyň Bütindünýä miras komitetiniň Sekretariatynyň işgärleri, medeniýet ministrleri, Ilçiler, ÝUNESKO-nyň işleri barada Milli toparlaryň jogapkär sekretarlary we guramanyň dürli agza ýurtlaryndan degişli ugurdaky bilermenler gatnaşdylar.Çäreleriň meýilnamasyna laýyklykda, 23-25-nji iýul aralygynda Komitet Bütindünýä mirasynyň sanawyna girizilen 124 gymmatlygyň ýagdaýyny gözden geçirer, olaryň 57-si Bütindünýä mirasynyň sanawyna girizilen howp abanýan gymmatlyklardyr.26-29-njy iýul aralygynda 27 gymmatlygy Bütindünýä mirasynyň sanawyna girizilmek baradaky tekliplere garalar. Talapnamalar gymmatlyklaryň şu toparlary boýunça serediler: tebigy, garyşyk we medeni.

Doly oka

261

17.07.2024

254

Talyplyga dalaşgärler üçin göz öňünde tutulýan ýeňillikler

«Bilim hakynda» Türkmenistanyň Kanunyna laýyklykda, ýurtda giriş synaglaryndan üstünlikli geçen ýagdaýynda, degişli dalaşgärler üçin ýeňillikler göz öňünde tutulýar. Bular barada «Türkmenistan» gazetiniň şu günki sanynda çap edilen söhbetdeşlikde aýdylýar.Bellenilişi ýaly, 2021-nji ýylyň 5-nji iýunynda kabul edilen rejelenen görnüşli «Bilim hakynda» Türkmenistanyň Kanunynda:--- ýetim çagalaryň we ata-enesiniň ýa-da olaryň ornuny tutýan adamlaryň howandarlygyndan galan çagalaryň;--- maýyplygy bolan çagalaryň, Hemaýata mätäçligi anyklaýjy toparyň netijenamasyna laýyklykda, degişli bilim edaralarynda okamagyna rugsat edilen I we II topar maýyplygy bolanlaryň;--- harby we hukuk goraýjy edaralaryň gulluk borçlaryny ýerine ýetirýän wagty wepat bolan harby gullukçylarynyň (işgärleriniň) çagalarynyň;--- köp çagaly (sekiz çagadan az bolmadyk) maşgalalardan bolanlaryň giriş synaglaryndan üstünlikli geçen ýagdaýynda, döwlet hünär bilimi edaralaryna bäsleşiksiz kabul edilýändigi kesgitlenilýär.Şeýle-de bu Kanunda:--- okuw dersleri boýunça mekdep okuwçylarynyň döwlet bäsleşiginiň ýeňijileriniň‚ halkara bäsleşiklere gatnaşan Türkmenistanyň ýygyndy toparynyň agzalarynyň;--- taýýarlygyň bedenterbiýä we sporta degişli ugurlary (hünärleri) boýunça bilim edaralaryna okuwa girýän Türkmenistanyň çempionlarynyň, halkara sport ýaryşlarynyň ýeňijileriniň;--- taýýarlygyň döredijilik ugurlary (hünärleri) boýunça bilim edaralaryna okuwa girýän milli we halkara döredijilik bäsleşikleriniň ýeňijileriniň;--- III topar maýyplygy bolanlaryň;--- çagyryş boýunça harby gullugy geçenleriň;--- saýlan taýýarlygynyň ugry (hünäri) boýunça iki ýyldan az däl iş döwri bolan dalaşgärleriň giriş synaglaryndan üstünlikli geçen ýagdaýynda, döwlet hünär bilimi edaralaryna kabul edilende artykmaç hukuklardan peýdalanýandyklary beýan edilýär.

Doly oka

254

16.07.2024

281

Türkmenistanyň wekili Çernogoriýada geçen sebitleýin mejlise gatnaşdy

Çernogoriýada BMGÖM-iň Aral deňzi boýunça taslamasynyň çäginde ýaşlar syýasaty babatynda hyzmatdaşlyk boýunça sebitleýin mejlis bolup geçdi. Bu çärä Türkmenistandan meýletinçi Kasym Jumaýew gatnaşdy.Mejlis «Nesilleriň baglanyşygy: ýaşlaryň hukuklaryny we mümkinçiliklerini artdyrmak we geljege gatnaşdyrmak» şygary astynda geçdi. Ol Ýewropadan we Merkezi Aziýadan ýaş ýolbaşçylary bir ýere jemledi.Mejlise gatnaşanlar üç günüň dowamynda bilimlerini paýlaşdylar we dünýädäki ýaşlar guramalarynyň arasynda hyzmatdaşlygy ýola goýmak bilen meşgul boldular. Maksatnama jebis gatnaşyklary we özara hyzmatdaşlygy ýola goýmak üçin zerur gurallar, bilimlerdir ulgamlar bilen üpjün etmek arkaly, ýaşlaryň mümkinçiliklerini artdyrmaga gönükdirilendir.

Doly oka

281

Täzelikler we habarlar